আকাশ আমাক অকণি আকাশ...
#kathabandhub #manojkumardeka #manojdeka #assamesesong #birendranathdutta #navakantabaruah 
--------------------------------------------------
অসমীয়া গীত ভালপোৱা বা অসমীয়া গীতৰ খবৰ ৰখা সকলোৰে বাবে চিনাকি কণ্ঠ এটি হৈছে, ডঃ বীৰেন্দ্ৰ নাথ দত্ত'ৰ কণ্ঠ । নৱকান্ত বৰুৱা আৰু ডঃ বীৰেন্দ্ৰ নাথ দত্তৰ যুটীয়ে আমাক দিছে অনেক সুৰীয়া গীত । এজনে এসাগৰ অনুভৱেৰে লিখে আৰু আনজনে সেই অনুভৱক অনুভৱী কন্ঠেৰে তিয়াই ৰসাল কৰে । 

ডঃ বীৰেন্দ্ৰ নাথ দত্তই কৈছিল যে কেতিয়াবা এটি বা  এগাল গীত লৈ নৱকান্ত বৰুৱা ৰৈ থাকে ! বীৰেন্দ্ৰ নাথ দত্ত যায় । আলোচনা কৰে । সুৰ দিয়ে । গায় ।...ইমানখিনি কৰাৰ পিছত কেতিয়াবা আকৌ এজনে আফচোচ কৰে । সুৰেই বিচাৰি নাপায় বোলে ।-

"আকাশে বতাহে ইমান সুৰৰ গুণ গুণ
মোৰ গানলে অতি সুৰো তাৰ
নাহে চোন নাহে চোন নাহে চোন...!"

এনেদৰেই দিন আগবাঢ়ে । লিখে ...সুৰ দিয়ে । আমি এবুকু আশাৰে বাট চাই থাকো ।
ডঃ বীৰেন্দ্ৰ নাথ দত্তই গোৱা আৰু সুৰ দিয়া অতি গীতৰ কথা কবলৈ মন গৈছে । -গীত'তো আপোনালোকৰ চিনাকি বা প্রিয় গীত । গীত'তো হৈছে, "আকাশ আমাক অকণি আকাশ দিয়ে
           মাটিৰ বুকুত উচুপে আমাৰ
           আকাশ  পিয়াসী হিয়া...
           আকাশ আমাক অকণি আকাশ দিয়া...!"

গীত'তোৰ সুৰ দিয়া হৈ গ'ল । গীত'তো ৰেকৰ্ডিঙৰ সময়ত প্ৰখ্যাত সৰোড বাদক সীবেশ বোসে মাজতে মাত দিলে, "হাৰে, এইটো দেখোন শিৱৰঞ্জনী ৰাগ...! গা চোন গা । মই বজাম !"

বীৰেন্দ্ৰ নাথ দত্ত'ই গালে ।  গীতৰ ৰেকৰ্ডিং হৈ গল । কিন্তু গুৰুত্বপূৰ্ণ কথাষাৰ হল শ্ৰী দত্তই শিৱৰঞ্জনী ৰাগৰ বিষয়ে একো নাজানিছিল । তেতিয়াহলে এই ৰাগ গীতত সোমাল কেনেকৈ ! দত্তদেৱে ভাবিবলৈ ধৰিলে । আৰু তেখেতৰ মনত পৰিল যে তেখেতৰ এগৰাকী ছাত্ৰীয়ে এখনি সভাত এটি ভজন গাইছিল । আৰু সেই গীত'তোৰ সুৰ তেওঁৰ মনত ৰৈ গৈছিল । অৱচেতন মনত ৰৈ যোৱা গীত'তোৰ  সুৰ আহি "আকাশ আমাক অকণি আকাশ দিয়া " গীতৰ অন্তৰাত্মা হৈ ৰ'ল !